Pig-kantyawan sana ni dating presidential spokesperson Harry Roque an plano kan Department of Justice (DOJ) na paghagad nin tabang sa International Criminal Police Organization (Interpol) nganing dagos siyang maarestar.
Kun babalikan an isiniwalat ni DOJ Undersecretary Nicholas Ty an plano kan ahensiya na hagadon sa Interpol an pagluwas kaini nin red notice laban kay Roque nganing dagos siyang arestuhon asin pahampangon sa mga kaso niya digdi sa Pilipinas.
Siring man, sa sarong video na iniluwas kan dating presidential spokesman, sinabi niyang warang magigibo an mga ini.
Paliwang ni Roque na kun igwang nakabinbin na petisyon para sa sarong asylum an sarong indibidwal an dae siya pwedesir arestuhon, maski pa may iluwas an Interpol na red notice laban saiya.
Pagdoon kan International Criminal Court (ICC) accredited lawyer, dae siya pwedesir hiruon ta nakabinbin pa an saiyang asylum petition sa Netherlands.
Magigirumdumang kasunod kan naenot na pagluwas ni Roque sa Netherlends kan katahawan kan Marso an dagos niyang isinunad an saiyang asylum petition asin ipigrason an suboot political persecution kan administrasyong Marcos saiya bilang mahigpit na kaalyado ni dating Pres. Rodrigo Duterte.
Kan nakaagi an nagluwas na man nin warrant of arrest an sarong local court kan nacion laban kay Roque, huli sa suboot pagkaka-imbwelto niya sa human trafficking activities kan sarong Philippine Offshore Gaming Operator hub sa Central Luzon.
Alagad pagdoon kan dating Duterte appointee, gagamiton man niya ini nganing mapakusog an saiyang request for asylum sa Netherlands.
 plan to seek help from the International Criminal Police Organization (Interpol) to arrest him immediately.){kind=link}