LEGAZPI CITY—Ipigbida sa sarong event an mga produktong Abaca kan provincia kan Catanduanes sa ginibong aktibidad na “Abacanobasyon Year 3” na pinangenotan kan Department of Science and Technology (DOST) Bicol.
Segun ki PHILFIDA Catanduanes Provincial Fiber Officer Bert Lusuegro, sa intrevista kan Bombo Radyo Legazpi, an nasabing aktibidad an parte kan selebrasyon kan Abaca festival kan provincia asin ginanap sa banwaan kan San Miguel.
Obheto kan nasambitang aktibidad na iparani sa manlaen-laeng banwaan sa provincia an programang Abacanobasyon.
Mientrastanto, piglalaoman man na magkakaigwa nin dakol na aktibidades para sa mga Abacaleros kun saen pwedesir sindang mag-uli nin mga premyo durante kan Abaca festival.
Pig-imbitaran man kan opisyal an mga Abacaleros na magpartisipar asin mag-atendir sa nasabing aktibidad na mangyayari puon sa Mayo 26, 2025.
