Nagtutubod si Senadora Pia Cayetano na dapat ma-elihir an sarong indibidwal base sa saiyang kapasidad.
Ini an nagin kasimbagan ni reelectionist Senator Cayetano kan mahapot ini mapadapit sa saiyang stand sa anti-political dynasty bill.
Igwa suboot siyang tugang sa Senado na si Senador Alan Peter Cayetano alagad magkaiba daa an saindang pagtubod asin nagdedebate man sinda.
Siring man, sinabi kan senadora na bukas siyang dangugon an isyu katakod sa political dynasties.
Magsisirbing senador si Cayetano hasta 2031 makalihis masungkit an ikasiyam na pwesto sa senatorial race ngonian na eleksyon.
