Aktibong naka-monitor ngunyan an Department of Health (DOH) sa trends kan COVID-19 sa tahaw kan reports na paglangkaw kan kaso sa nasambitang helang sa Southeast Asia.
Sa sarong pahayag, ipighayag kan DOH na nakikipagkoordinar na sinda sa paagi kan nakalatag na mga mekanismo siring kan ASEAN na nagtatao nin mga beripikadong impormasyon asin pagpapakusog pa kan kahandaan kaya warang nahihiling na rason nin pagkaalarma.
Sa datos kan ahensya kan Mayo 3, digdi sa Pilipinas nagbaba sa 87% an mga kaso asin nagadan huli sa COVID-19 puon kan nakaaging taon, kun saen nasa 1,774 an nai-report na kaso ngunyan na taon kumpara sa 14,074 cases kan 2024.
Inireport man kan ahensya na nasa 1.13% sana an case fatality rate.
Nagpapahiling suboot an kamakailang trends nin bahagyang pagbaba nin mga kaso sa nakaaging tulo sagkod apat na semana. Gikan sa 71 cases kan Marso 23 sagkod Abril 5 kan presenteng taon, nagbaba ini sa 65 cases puon Abril 6 sagkod 9.
Liwat man na pig-engganyar an publiko sa pagsagibo nin preventive measures nganing maprotehiran an sadiri sa helang siring kan pagsulot nin facemask sa healthcare facilities, pagtenir sa harong urog na kun may helang, takupan an ngimot kun maabo o maatsing, regular na maghugas nin kamot asin amay na pagpapakonsulta kun nakakamati nin mga sintomas.
 is now actively monitoring COVID-19 trends amid the reported increase in cases of the disease in Southeast Asia.){kind=link}