LEGAZPI CITY- Nakapagbarewas na an Commission on Election Albay kan honoraria kan mga mga paratukdo na nagserbi sa nakalihis na pirilian.
Alagad segun ki Albay Provincial Election Supervisor Atty. Maria Aurea Bo-Bunao sa intrevista kan Bombo Radyo Legazpi na igwa pang nagkapira na dae nagpapasiring sa saindang opisina kaya dae pa natatawan kan bayad sa saindang serbisyo.
Target kan ahensya na magin 100% na an distribution kan honorarium sa masunod na semana.
Segun sa opisyal na nasa 15 aldaw makalihis an eleksyon, kinakaipuhan ng maibarewas an nasabing pondo.
Handa na suboot an komisyon alagad igwa pang nagkapira na dae pa nagki-claim.
Huli digdi, sinabi ni Bo-Bunao na kun minsan personal na nindang pigdudumanan an mga poll workers ngani sana na maipaabot na an saindang honorarium asin matapos na an distribusyon sa bilog na provincia.
