Ipigselebrar kan bandang Ben&Ben an saindang ikawalong anibersaryo sa paagi kan sarong maugmang salu-salo na may kaibang lobo, party hats, asin cake.
Sa saindang social media post, ipigheras ninda an mga nanudan bilang banda, kabale an pagkakaaram sa hiro asin emosyon kan lambang saro.
Binanggit man ninda na aram na ninda kun siisay an kaipuhang mag-adjust enkaso halangkaw an energy sa entablado, asin namamatean ninda kun may bako okay sa saro sa sainda bago pa ini sabihon.
Pinasalamatan man ninda an saindang mga fans, na inapod nindang “Liwanag,” sa padagos na nagsusuporta sa saindang musika.
Ipighayag kan banda na mapoon an saindang “The Traveller Across Dimensions” world tour sa Cebu sa Mayo 24.
