LEGAZPI CITY—Preparado na an mga kapulisan kan Ligao City Police Station para sa nagdadangadang na 2025 National and Local Elections sa Mayo 12.
Segun ki Ligao City Police Station Police Lieutenant Colonel Herminio Olivares, sa intrevista kan Bombo Radyo Legazpi, nagkundusir na sinda nin send-off ceremony asin padagos an pagdara kan saindang mga personahes nin election paraphernalias sa mga polling centers para sa mangyayaring final sealing asin testing kan mga ini ngunyan na aldaw, Mayo 5, 2025.
Sinabi pa ni Olivares, na yaon na sa kanya-kanyang polling centers an saindang mga kapulisan ngani na magbantay kan vote counting machines asin iba pang election paraphernalias.
Afuera digdi, igwa man nin kadugangang augmentation na gikan sa Provincial Headquarters, Philippine Army, Maritime Police an saindang ibubugtak sa kada polling centers nganing maasigurar na salbado asin matoninong an eleksyon sa nasambitang ciudad.
