LEGAZPI CITY—Nagpuon nang mag-deploy an Catanduanes Police Provincial Office nin labi sa 586 kapulisan bilang preparasyon sa nagdadangadang na National and Local Elections sa Mayo 12 sa provincia kan Catanduanes.
Segun ki Catanduanes Police Provincial Office Police Lieutenant Colonel Rosalinda Gaston, sa intrevista kan Bombo Radyo Legazpi, an nasabing numero pwedesir pang madugangang nin augmentation gikan sa provincial support unit kan saindang ahensya.
Afuera digdi, igwa man na ide-deploy na mga personahes gikan sa Philippine Coast Guard, Armed Forces of the Philippines, Bureau of Fire Protection—kun kaya suminakat na sa labi 800 mga personahes an mataong seguridad nganing magin matoninong, honesto, asin maayos an eleksyon.
Sinabi ni Gaston na mabugtak an saindang opisina nin duwa sagkod tulong personahes sa kada voting center sa nasambitang provincia.
Magtetenir an saindang mga personahes sa voting centers antes na dae naitu-turn over an mga Automated Counting Machine (ACM) na ginamit sa eleksyon.
Mientrastanto, pangapudan man kan opisyal sa namamanwaan na makipagkoordinar sa mga kapulisan magin sa COMELEC na magin mapagmatiyag, magtabang sa pag-obserbar nin honesto, matoninong, asin maayos na pirilian sa Mayo 12, 2025.
Dugang ni Gaston na preparado man an ahensya na magtabang asin magresponde sa publiko.
