LEGAZPI CITY—Nakumpiskar an maabot sa P200,000 kantidad nin pigtutubudang shabu gikan sa duwang suspetsado sa isinagibong drug buy-bust operation kan mga otoridad sa Brgy. 8-Bagumbayan, Legazpi City.
Segun ki Police Regional Office 5 Police Brigadier General Andre Dizon, sa intrevista kan Bombo Radyo Legazpi, an duwang suspetsado an dati nang imbuelto sa ilegal na droga asin pigkonsiderar na known personality sa nasabing lugar.
Binisto an mga suspetsado na sinda alyas “Wood” asin alyas “Nardo”, magkaparientes, asin parehong residente kan Barangay Bagumbayan kan nasambitang ciudad.
Pigkarkulong may gabat na 31 gramos an nakumpiskar na pigtutubudang shabu asin may street value na labing P200,000.
Sa presente, nasa kustodiya na kan Legazpi City Police Station an mga suspek asin mahahampang sa kasong pagbalgar sa Republic Act 9165 o ang Comprehensive Dangerous Drugs Act of 2002
