LEGAZPI CITY- Ipig-aagrangay ngunyan kan nagkapirang mga evacuees hali sa Barangay Puting Sapa sa banwaan kan Juban, Sorsogon an kadifisilan sa pagkaturog.
Ini an huli sa maribok na palibot na dara kan dakol na mga evacuees kasunod kan pag-aalburuto kan bulkang Bulusan.
Segun sa evacuee na si Maryfe Advincula sa intrevista kan Bombo Radyo Legazpi na makalhis an aktibidad kan bulkan, marikas siya na nag-ebakwar huli ta nagsasapar nin asthma.
Marurumduman na peligroso para sa may mga respiratory illness an abo na ibinuga kan bulkan.
Sinabi man ni Advincula na marikas man sindang napaabutan nin mga sleeping kits na nagamit ninda sa pagtetenir sa evacution center.
Dugang pa kaini na natatawan man sinda nin bastanteng pagkaon kaya wara man na ibang problema afuera na sana sa maribok na kapalibutan huli sa dakol na mga aki sa mga evacuation centers.
