Suminakat na sa 30 an numero kan validated election-related incidents, susog sa Philippine National Police.
Kadaklan sa validated violent election-related incidents an nai-report sa Bangsamoro Autonomous Region in Muslim Mindanao na may walo, sinundan kan Cordillera Administrative Region na may anom asin Zamboanga Peninsula na may tulo.
Sarong validated violent election-related incidents man an nasa Ilocos Region, Central Luzon, Eastern Visayas, Davao Region asin SOCCSKSARGEN.
Pig-aaram man kan PNP an walong pigtutubudang election-related incidents sa Cagayan Valley, Bicol, Cordillera Administrative Region, asin CALABARZON.
Mientrastanto, sinabi kan PNP na may kabilogang 2,626 na indibidwal an naarestar huli sa pagbalgar sa election gun ban.
Kadaklan sa mga ini an gikan sa Metro Manila na may 906, sinundan kan Central Luzon na may 334 asin Central Visayas na may 276.
