LEGAZPI CITY- Nangapudan an pamayuhan kan Philippine National Railways sa publiko na ipundo na an pambabato sa saindang mga tren.
Ini an kasunod kan insidente nin pambabato sa tren na biyaheng Laguna, na nagkawsa nin distroso sa nasabing behikulo.
Segun ki Philippine National Railways General Manager Engineer Deovanni Miranda sa intrevista kan Bombo Radyo Legazpi na matinding gastos pa an resulta kan nasabing mga insidente.
Nagkakawsa man suboot ini nin ulang sa operasyon kan mga tren na nakaka octaba sa biyahe kan mga pasahero.
Segun sa opisyal na maski pa kulang an resources kan ahensya, padagos sindang nago-operate ngani na makapagserbisyo sa mga namamanwaan kaya dapat na makipag kooperar man an publiko.
