Kinumpirmar kan Vatican na an ikinagadan ni Pope Francis an huli sa stroke asin irreversible heart failure.
Susog sa Vatican na an nasambit na helang an huli kan saiyang double pneumonia na naeksperyensyahan.
Magigiromdomang kan Lunes, Abril 21, inanunsyar ni Cardinal Kevin Farrell an pagpaaram sa kinaban kan 88-anyos na Santo Papa.
Huli digdi si Farrell muna an aapudon na “camerlengo” an indibidwal na magpapadalagan kan Vatican huli sa pagkagadan o pagbutas sa pwesto kan sarong Santo Papa.
Siya an mamanehar sagkod igwa nang mapili na bagong Santo Papa.
An Dublin-born na si Farrell iyo an mangengenot sa pagbugtak kan lawas kan Santo Papa sa kabaong asin pangengenotan niya an “rite of the confirmation of death”.
Si Farrell an itinalagang Obispo kan Dallas kan 2007 bago apudon siya ni Pope Francis na magserbi bilang lider kan bagong department kan Vatican na responsable sa pastoral care kan pamilya asin itataguyod bilang rank of cardinal.
Taong 2019 kan italaga si Farrell kan Santo Papa bilang Camerlengo kan Roman Catholic Church.
