Nakatalaang ihalangkaw an singil sa service charge sa eroplano.
Ini basado sa memorandum na inisyu kan Civil Aviation Authority of the Philippines (CAAP) bago an piglalaomang paglangkaw kan travel demand huli sa summer season.
Sa memorandum circular na pinirmahan kan Abril 4, ipighayag kan CAAP na an passenger service charge para sa international flights an ilalangkaw sa P900 gikan sa presenteng P550.
Para sa domestic flights, an mga pasahero an kaipuhang magbayad nin P350 kun mabiyahe gikan sa international airports, P300 para sa principal class 1 airports, P200 para sa principal class 2 airports asin P100 para sa community airports.
Sa presente, an passenger service charge sa domestic flights an nasa P200.
Nakabugtak sa circular na sisay mang pasahero an magsayuma o magpalyar na magbayad kan kaipuhang passenger service charge an dapat mapugulan na maglunad sa eroplano.
Gabos na pasahero an kaipuhang magbayad afuera sa mga aking may edad na 2 anyos pababa, transit passengers, OFWs na pasiring sa abroad asin mga pasahero na dae pinalaog.
Nakatalaang magin epektibo an nasabing memo 15 aldaw makalihis ining mailathala sa 2 pahayagan kan pangkalahatang sirkulasyon.
