LEGAZPI CITY- Mahigot an pigigibong pagbabantay ngunyan kan mga otoridad sa mga terminals ngani na mabantayan an mga drivers katakod kan pinag-aantisiparan na pagbulos kan mga biyahero.
Segun ki Philippine Drug Enforcement Agency Albay Provincial Director Noe Briguel sa intrevista kan Bombo Radyo Legazpi na bako sana sa durante kan Semana Santa sinda magsasagibo nin monitoring kundi sa bilog na taon.
Nagpahayag man nin kahandaan an ahensya na magsagibo nin random drug test sa mga drivers ngani na maasegurar na malinig an mga ini sa impluwensya kan ipinagbabawal na bulong.
Ini urog pang nakasalalay sa mga drivers an kaligtasan kan mga biyahero.
Segun pa ki Briguel na bako sana tuyong Semana Santa sinda nagkokundusir nin mahigot na monitoring kundi sa bilog na taon, sa tabang kan saindang counterpart sa Philippine National Police.
Obheto kaini na dagos ng matapos an problema kan komunidad sa iligal na droga.
