LEGAZPI CITY- Nakalatag na an mga help desk asin motorist assistance center sa mga mayor na tinampo sa bilog na provincia kan Sorsogon.
Segun ki Sorsogon Police Provincial Office Spokesperson Police Major Arwin Destacamento sa intrevista kan Bombo Radyo Legazpi na importante an paglalatag nin seguridad urog pang nag-aagi sa provincia an mga mapasiring sa Visayas asin Mindana asin vice versa.
Nagkaigwa man nin augmentation an mga kapulisan hali sa Regional Mobile Force Battalion para sa paglalatag nin police visibility.
Napag-araman na nagpalakop man nin mga K9 dogs sa mga pantalan sa tabang kan mga partner agencies.
Ini an ngani na makapag-inspeksyon sa bagahe kan mga pasahero ngani na masierto na warang makakalusot na anuman na kontrabando.
Pinagbabantayan kaya sa ngunyan an bulos kan mga biyahero na mauli sa saindang mga provincia para sa obserbasyon kan Semana Santa.
Segun pa sa opisyal na kinakaipuhan na msierto na dae mauulang an biyahe kan mga pasahero urog nang pinaglalaoman na madudoble pa an numero kan mga biyahero.
