Nagtaas nin transmission charge an National Grid Corporation of the Philippines (NGCP) ngonian na bulan, na magreresulta sa mas halangkaw na bayadan sa kuryente para sa mga konsumer.
Segun sa NGCP, an ancillary service (AS) charge an naghalangkaw nin 16.05% sa P0.8094 kada kilowatt-hour (kWh), bunga kan ikatulong parte kan bayad para sa mga serbisyong nakuwa hale sa Reserve Market kan Marso 2024.
Kasabay kaini, an wheeling rate o bayad sa paghahatod nin kuryente an suminakat nin 4.81% sa P0.5505 kada kWh.
Huli digdi, an kabilugang transmission charge ngonian na bulan an uminabot sa P1.5240 kada kWh, mas halangkaw nin 11.51% kumpara sa nakalihis na bulan.
Piglinaw kan NGCP na 55 sentimos sana kada kWh an saindang pigsisingil para sa paghahatod nin kuryente, asin an kadaklan sa singil an para sa ancillary service na direktang napapaduman sa mga service provider.
Wara suboot na ganansya an NGCP hale sa ancillary service charges, na ipigkokonsidera na pass-through cost.
 increased transmission charge this month, which will result in higher electricity bills for consumers.){kind=link}