LEGAZPI CITY—Pocomas o menos P168,000 na street value nin pinagtutubudang shabu an nakumpiskar kan mga kapulisan kan Daraga Municipal Police Station sa kinundusir na buy-bust operation sa Brgy. Tagas, Daraga, Albay.
An suspetsado pigkonsiderar na sarong streel level individual asin pigbisto na si alyas “Fred”, 44-anyos na residente kan Purok 4, First Park Subdivision, Brgy. Sagpon, Daraga, Albay.
Nakumpiskar digdi an pitong sealed transparent plastic sachets na may laog na pinagtutubudang shabu asin may gabat na haros 24 gramos.
Sa presente, an suspetsado nasa kustodiya na kan Daraga MPS asin mahahampang sa kasong pagbalgar sa Acta Republika 9165 o Comprehensive Dangerous Drugs Act of 2002.
