LEGAZPI CITY – Ipigpreparar na kan mga kapulisan an mga seguridad sa ciudad kan Legazpi para sa nagdadangadang na semana santa.
Segun ki Legazpi City Police Station spokesperson Police Executive Master Sergeant Carlos Paña sa intrevista kan Bombo Radyo Legazpi na nakalatag na an saindang plano mapadapit sa pagpapaotob nin pazy orden sa enterong durasyon kan mahal na araw.
Idedeploy man ninda an labi 140 na mga kapulisan sa mga simbahan, terminal, asin pantalan nganing magtaong asistensya asin seguridad sa mga pasahero, turista, asin deboto.
Mapoon an saindang deployment poon sa lunes santo hasta sa aldaw nin pagkabuhay o easter sunday.
Pigtaram pa kan opisyal na kalimitang nairerehistrong krimen pag-semana santa iyo an panghahabon asin akyat bahay.
Huli digdi, makikipagtabangan suboot sinda sa mga barangay official asin mga tanod nganing mapaghandaan asin mapugulan an mga pagdakol kan mga naunambitang krimen.
Pagirumdom ni Paña sa publiko na mabakasyon sa ibang lugar ngonian na semana sana na syertuhon na naka-kandado an mga gate asin pinto kan saindang mga kaharongan nganing dae mabiktima kan mga mararaot na elemento.
Mientrastanto, Pighayag man ni Paña na padagos man an saindang pagpreparar sa pag-asigurar sa kaligtasan kan mga botante sa ciudad sa nagdadangadang na 2025 Midterm Election.
