LEGAZPI CITY—Matrayumpong nakumpiskar kan mga otoridad an mga armas asin iba pang gamit kan Communist Terrorist Group (CTG) sa Barangay Balete, Aroroy, Masbate.
Isinagibo an nasambit na operasyon makalihis na itukdo kan duwang dating rebelde an pigtataguan kan mga armas asin gamit panggiyera.
Kairiba sa mga nakumpiskar na war materials an mga parte kan M16 rifle siring kan lower asin upper receiver, bolt, butt stock, asin iba pang accessories, tolong improvised firearms (1 carbine asin 2 shotgun); manlaen-laen na magazine para sa M16 rifle, carbine asin shotgun, apat na rifle grenade asin tolong 40mm grenade, tolong CDX Command Detonated Explosive asin limang Molotov.
Siring man an ginatos na bala para sa 7.62mm rifle, carbine, asin 5.56mm rifle; sarong watawat nin komunista, asin iba pang kagamitan siring kan medical accessories, bado asin lubid.
Mientrastanto, an mga nasambitang gamit nasa kustodiya na kan Aroroy Municipal Police Station para sa magkakanigong disposisyon.
 in Barangay Balete, Aroroy, Masbate.){kind=link}