Nanindugan si dating Presidential Legal Counsel Salvador Panelo na may halong pulitika an ginibong pag-arestar ki dating Presidente Rodrigo Duterte.
Segun ki Atty. Panelo, warang ibang obheto an ginibong pag-arestar kundi raoton an mag-amang Duterte huli si Vice President Sara Duterte an pinakamakusog na kandidato sa masunod na presidential elections.
Tinawan-doon pa kaini na gabos gigibohon kan presenteng administrasyon nganing mapugulan sindang magdalagan sa masunod na eleksyon.
Sa nagkapirang pagkakataon enot nang nagpahiwatig sa VP Sara kan saiyang posibleng pagdalagan sa masunod na presidential elections (2028).
Siring man nakabinbin man giraray an impeachment complaint laban sa bise presidente asin piglalaomang maarangkada an trial proper paglaog kan masunod na Kongreso.
Kun dagos ining matatangkas sa pwesto bilang bise-presidente, pagbabawalan na ining magkapot nin iba pang posisyon sa gobierno.
Enot nang nanindugan an administrasyong Marcos na an pagtabang para sa pag-arestar sa dating presidente an pagsunod sana kan gobierno sa responsibilidad kaini bilang miyembro kan International Criminal Police Organzation.
