Kahagadan kan kampo kan gobyerno sa Korte Suprema na ibasura an habeas corpus petitions kasunod kan pag-arestar kay dating Presidente Rodrigo Duterte huli sa kawaran nin merito asin pagigin “moot” kaini o wara nin saysay.
Basado sa pleading na isinumiter ni Department of Justice Officer-in-Charge Usec. Nicholas Ty, pigtaram kanh gobyerno na dae na pwedesir magluwas nin writ of habeas corpus huli ta ini an nagin moot na asin warang merito huli ta nailipat na an dating Presidente sa detention facility kan International Criminal Court (ICC).
Saad kan gobyerno na kan isinunad an mga petisyon wara na suboot sa kustodiya kan Pilipinas an dating Presidente asin nasa biyahe na pasiring The Hague, Netherlands.
Pigtaram man digdi na maipapa-otob sana an habeas corpus digdi sa Pilipinas kun kaya maikokonsidera na suboot na moot and academic an consolidated petitions, na naggagarantiya sa tulos na pagbasura kan kataas-taasang hukuman sa petisyon.
Siring man, maski dae na suboot ikonsidera bilang moot an petisyon, madadaog man sana ini huli ta warang unlawful restraint asin warang iligal na pagkulong nin warang bastante na legal na basehan, huli an pagpapa-otob kan ICC warrant an nasususog sa Seksyon 17 kan Republic Act 9851 kun saen may opsiyon kan gobierno na isuko sa ICC an sarong inaakusaran sa krimen.
