Masunad nin asylum sa The Netherlands si dating presidential spokesperson Harry Roque.
Sinabi kaini na matindog siya bilang saro sa mga abogado ni dating Presidente Rodrigo Duterte kaya nagdesisyon ining pormal na magsunad nin asylum.
Ipigkonsiderar na asylum-seeker an sarong persona na naghahagad nin international protection.
Dugang pa kaini na en kaso an saiyang aplikasyon an natanggap na, igwa na siyang karapatan para sa “non-deportation” sagkod matapos an imbestigasyon.
Afuera digdi, matatawan siya nin “non-prosecution” huli sa illegal entry sa The Netherlands asin mamantenir ining nakalaog na legal sa nasambit na nasyon.
Magigiromdomang nadamay si Roque sa qualified human trafficking case laban ki Cassandra Li Ong asin pirang mga indibidwal huli sa POGO hub na Lucky South 99 Corp.
Igwa man ining standing arrest order gikan sa Kamara de Representantes makalihis na patawan nin contempt asin inatasan na madetenir huli sa palyar na magsumiter nin mga dokumento nganing maipaliwanag an saiyang biglang pagyaman.
