Nagtetenir na stable an suplay asin presyo kan sira ngonian tag-init, segun sa Bureau of Fisheries and Aquatic Resources (BFAR).
Piglalaoman an masaganang dakop kan mga parasisira huli sa pagbubukas kan mga pangenot na fishing grounds makalihis an closed fishing season.
Huli digdi, piglalaomang mahalangkaw an suplay kan sira sa mga merkado, na magresulta sa stable na presyo.
Sa presente, an presyo kan lokal na sariwang galunggong an nasa P300 kada kilo, alagad piglalaomang mababa pa ini huli sa pagtaas kan suplay.
Nganing mamantinir an bastanteng suplay asin malikayan an pagtaas kan presyo, tinugutan man kan Department of Agriculture an pag-import nin mga sirang bako kalimitang mahihiling sa mga merkado, arug kan salmon.
Sa ibong kan halangkaw na presyo kan produktong petrolyo na posibleng makaapektar sa presyo kan sira, padagos na nagtatao an gobyerno nin fuel subsidy sa mga parasisira nganing matabangan sinda sa saindang gastuson.
.){kind=link}