Kinumpirmar kan kampo ni Vice President Sara Duterte na nakatalaan ining makipag-olay sa mga abogado kan saiyang ama na si dating Presidente Rodrigo Roa Duterte.
Mahagad an bise nin legal advice nganing matugutan ining mabisita an saiyang ama sa detention facility kaini sa The Hague.
Ini an base na man sa iniluwas na abiso kan Office of the Vice President.
Kun magigirumduman, naghale sa nacion si VP Sara kaiba an saiyang tugang na si Davao Representative Paolo Duterte pasado alas 7:40 nin aga kasuhapon nganing bisitahon an saindang ama.
Sakay sinda kan sarong flight pasiring sa The Hague.
Sa presente an nasa The Netherlands na si FPRRD kaiba an saiyang dating Executive Secretary na si Atty. Salvador Medialdea
