LEGAZPI CITY- Arestado kan mga otoridad ang sarong drug personality sa ikinasang buy bust operations sa Barangay Victory Village sa Legazoi City.
Nabisto an akusado na si alyas ‘Frank.’
Segun sa impormasyon na naguno kan Bombo Radyo hali sa Legazpi City Police Station na nakabakal an pulis nin sarong sachet nin iligal na droga na nagkakantidad nin P6,800.
Makalihis man an ipigkondusir na body search, nakumpiskar pa sa suspek an nasa 0.4 grams nin shabu na nagkakantidad nin P2,720.
Sa presente nahahampang an suspek sa kasong pagbayolar sa Republic Act 9165 o Comprehensive Dangerous Drugs Act of 2002.
Nagtetenir man ini sa kustodiya kan Legazpi City Police para sa magkakanigong disposisyon.
