LEGAZPI CITY – Ikinaugma kan mga pamilya kan mga biktiman kan extrajudicial killings kan Duterte Administration an pagkaka-arestar kay Dating Presidente Rodrigo Duterte.
Segun ki Rise Up for Life and for Rights Coordinator Rubilyn Litao sa intrevista kan Bombo Radyo Legazpi na ikinaugma ninda an pag-arestar kan International Criminal Court (ICC) sa dating presidente urog na sa mga pamilya kan mga biktima kan madugong war on drugs na haros dekada na naghahanap nin hustisya.
Dapat man suboot na pabayaan ni Presidente Ferdinand Marcos Jr. an ICC asin Interpol na isagibo an proseso kan pagpapanimbag sa dating lider kan nacion.
Padagos man an saindang pagpaplano kairiba an mga pamilya kan mga biktima nganing maibusol an saindang pangapodan nin hustisya.
Pigtaram pa kaini na nadadagit man an mga pamilya kan biktima huli ta gare suboot dae nagsisisi si Duterte sa saiyang ginibong mga paggadan sa mga inosente kan panahon kan saiyang administrasyon.
Katuwang man ninda an National Union of Peoples Lawyer nganing maisakatuparan suboot an saindang plano mapadapit sa pagkuwa nin katarungan asin hustisya na inabot na suboot nin walong taon.
Sa hiling ninda dae pa ninda makokonsidera na natawan na nin hustisya an mga biktima kan Extra Judicial Killing huli ta dae pa ninda aram an kahihinatnan kan saiyang pagka-arestar.
Pangapodan ni Litao sa mga namamanwaan na makisumaro sa pagkuwa kan hustisya kan mga pamilya kan mga nagadan sa war on drugs kan duterte administration.
