LEGAZPI CITY – Lugadan an sarong persona makalihis pagtatagaon kan saiyang tugang sa Barangay Nabangig, Palanas, Masbate.
Segun ki Palanas Municipal Police Station Chief of Police, Police Captain Nick Belbes sa intrevista kan Bombo Radyo Legazpi na nagreport sa saindang opisina an biktima mapadapit sa ginibo saiya kan tugang kaini.
Makalihis nindang maresibi an report, tulos na nagresponde an kapulisan nganing madakop an suspek.
Binisto an suspetsado na si alyas “Pil”, 61 anyos, warang agom asin residente kan naunambitang barangay.
Pigtaram pa kan opisyal na nakuwa sa suspetsado an 18 pulgadang sundang na ginamit kaini sa pananaga asin sarong improvised na 9mm na badil o sumpak na may sarong bala.
Afuera sa pagbayolar sa Commission on Election gunban an may kakahampangon pa ining kaso huli sa pananaga kaini sa saiyang tugang.
Sa presente, nasa kustudiya na kan Palanas MPS an suspetsado asin an nakumpiskang badil para sa magkakanigong disposisyon mantang pighahalat an desisyon kan korte mapadapit sa piyansa kaini para man sa saiyang temporamenteng libertad.
Pagirumdom ni Belbes sa publiko na maki-kooperar sa saindang mahigot na pigpapaotob na gun ban huli ta piggigibo ninda an gabos nganing mamantenir an katuninongan sa saindang banwaan.
