LEGAZPI CITY – Pig-aagrangay kan mga opisyales kan Barangay Matanag, Legazpi City an mga baybay asin graba na nakatambon na sa tinampo kan Buyoan-Matanag Spillway.
Segun ki Barangay Matanag Councilor Lany Caballes sa intrevista kan Bombo Radyo Legazpi na haloy nang natambunan an nasabing tinampo huli ta digdi nagbubulos an mga baybay kada may makusog na pag-uuran na namamatean an ciudad.
Saro man suboot sa mga dakulang kawsa kun ngata nagkaigwa nin mga baybay iyo an huli ta ginibo nang tambakan kan sarong construction firm an dike kan nagkaigwa nin pa-tinampo sa saindang lugar.
Natatakot na man an mga residente, siring na man an mga motorista na mag-agi sa lugar huli ta pwedesir ini magkawsa nin aksidente.
Pasalamat man kaini sa diyos na warang nangyayaring aksidente sa lugar sa ibong kan haros matakluban na kan mga baybay asin graba an mismong tinampo.
Pangapodan ni Caballes sa Department of Public Works and Highways na tabangan sinda na maghali kan mga nakatiwangwang na mga baybay asin graba na nagtatao nin dakulang problema sa mga residente asin motorista.
