Nakatalaang ipaotob kan Toll Regulatory Board (TRB) an sarong unified o “interoperable” electronic toll collection system sa gabos na expressway kasabay kan pagpapa-otob kan full cashless tolling ngonian na taon.
Segun ki TRB Executive Director Alvin Carullo, piglalaomang makakamtan ini sa laog kan presenteng taon makalihis an mahigot na pag-aadal asin pagpapakarhay kan mga isyu sa account management system asin RFID.
Naenot nang ipigsugo ni Transportation Secretary Vince Dizon an pagsususpinde kan cashless toll system na nakatalaan kutang ipaotob ngonian na Marso 15 nganing magtaong dalan sa kadugangang pagsusuri.
Kasabay kaini, isasagibo an proof of concept testing para sa interoperability sa katahawan kan Agosto asin Setyembre, na susunudan kan dry-run sa laog kan duwang bulan.
 is scheduled to implement a unified or "interoperable" electronic toll collection system on all expressways along with the implementation of full cashless tolling this year.){kind=link}