LEGAZPI CITY- Padagos na nakaka apektar sa rehiyong Bicol an easterlies.
Segun sa Weather Specialist na si Ariel Zamudio sa intrevista kan Bombo Radyo Legazpi na padagos na mamamatean hasta sa masunod na mga aldaw an pabago-bagong panahon.
Paliwanag kaini na padagos na maeeksperyensyahan sa rehiyon an maluya hasta sa moderatong mga pag-uran.
Pinawi man kan opisyal an pagkahadit kan publiko asin sinabing wara pa nahihiling na anumang posibleng mabilog na raot nin panahon sa masunod na mga aldaw.
Dugang pa ni Zamudo na sa mga bulan nin Marso hasta Mayo, makaka eksperyensya pa an rehiyon nin paminsan-minsan na mga pag-uran alagad diit na sana an volume kaini kumparar sa nakalihis na mga bulan.
