LEGAZPI CITY – Nagpatanid an toxic watchdog group na Ban Toxic sa publiko mapadapit sa mga kemikal na pwedeng makuwa kan mga ini sa pagbakal nin bako otorisadong mga lipstick.
Segun ki BAN Toxics Campaigner Thony Dizon sa intrevista kan Bombo Radyo Legazpi na bilang koneksyon kan womens month, pigbubusol ninda an kaligtasan kan mga kababaihan laban sa mga arug kaining klase nin mga beauty products.
Tinagurian ninda ining “kiss of death” an nasabing mga lipstick nin huli ta bako lang permihan na bitbit kan nagkapira kundi an paggamit kaini kun sain piglalag ini sa ngimot.
Pwedesir man na mahawaaan an mga kalalakihan urog na kun malilipat ini sa paagi kan exposure o paghadok sa saindang mga namomotan.
Pigtaram pa kaini na padagos man an saindang warang patod na monitoring nganing masawata an ilegal na paglakop kaini.
Base sa saindang latest monitoring an may nanotaran sindang mga lipstick na delikado sa salud asin nadiskubre ninda na mas pig-aaprobitsaran ini kan mga nagkapira nin huli ta barato an mga kantidad kaini kompara sa mga ligtas na klase kan mga lipstick.
Kadaklan sa mga kemikal na saindang nahiling sa mga lipstick iyo an lead, mercury, asin may kaiba na mga preservatives na delikado sa salud kan ma-eexpose digdi na pwedesir ikagadan.
Sa presente, pig-verify na man ninda an mga kontaminadong mga lipstick sa Food and Drug Administration nganing maaraman kun mga notipikado an mga ini o rehistrado na pwedesir ipabakal sa nacion.
