Nagtao suboot nin kwarta sa sarong ciudad sa Pilipinas asin mga behikulo sa duwang police forces an apat na Chinese nationals na naarestar sa Pilipinas huli sa pag-iispiya.
An nasabing mga persona an pigtataram na konektado sa Communist Party (CPP)-affiliated groups.
Enot ng pighayag kan National Bureau of Investigation na an apat na naarestar na Chinese an kinasuhan nin espionage makalihis magpalayog nin mga drones ngani na makakuwa nin mga ladawan kan Philippine naval forces harani sa disputed waters.
Nadiskubre hali sa saindang mga cellphones an mga ladawan asin mapa kan mga sensitibong sites.
Basado sa report na an mga akusado an lider kan civic groups na pinamamayuhan kan foreign influence network kan Chinese Communist Party.
An nasabing grupo an pigtataram na nagtao nin donasyon sa ciudad kan Tarlac asin sa police forces kan ciudad siring man sa Manila police sa paagi kan Chinese-backed groups kan 2022, alagad bako pa malinaw an motibo sa pagtatao kan nasabing donasyon.
Marurumduman na an Tarlac an mayor na base militar kaibanan na an pigagamit kan Pilipinas asin Estados Unidos sa live-fire exercises sa taunang military drills.
