Nakapagrehistro nin dakulang budget deficit an gobierno para sa bulan kan Nobyembre.
Basado sa datos kan Bureau of Treasury na nagsakat sa P213 billion an kabiluhan na budget deficit sa nasabing peryodo.
An nasabing kantidad an labi sa doble sa datos na nairehistro sa kaparehong bulan kan nakalihis na yaon na nasa P93.3 billion.
Nagbaba man an total revenue collection kan nacion kan Nobyembre na nasa 0.6 % hali sa P340.4 billion kan nakalihis na taon na igwang P338.3 billion ngunyan na taon.
Kasabay kaini, naglangkaw man nin 27% an government spending na maabot sa P551.3 billion kan Nobyembre kumparar sa P433.6 billion kan nakalihis na taon.
Paliwanag kan gobierno na naglangkaw an paggastos huli sa dakol na mga infrastructure projects, social protection asin education-related programs.
