Nagsakat na sa 34 an numero kan mga nagadan sa naglubog na bangka sa Ionian Sea sa Italya.
Kasuodma kan marekober kan Italian coast guard an bangkay kan nasa 14 mga migrante na nakumpirma na kaiba kan 20 iba pa na nagadan man sa insidente.
Napag-araman na lunad an mga biktima nin sarong bangka na hali sa Turkey asin plano kuta na magpasiring sa Europe.
Kadaklan kan mga sakay kaini an hali sa Iran, Syria asin Iraq na naglalaom nin mas maray na futuro sa ibang nasyun.
Alagad mantang nasa katahawan nin kadagatan, bigla na sana suboot na nagkalayo an bangka rason ngani na maglubog ini.
Sa haros 75 sakay kan nasabing bangka, 11 sana kaini an nakasalba mantang nawawara pa an iba na pinagtutubudang nagadan naman.
Napag-araman na komon na an mga migrante haling Middle East asin Africa na nagpipirit na magbiyahe sa kadagatan pasiring sa Europe sa paglaom nin mas maray na buhay.
