LEGAZPI CITY – Mahigot na pinahimutikan kan Albay Power and Energy Corporation an mga naglalakop na bareta dapit sa suboot pag-recruit kan opisina nin mga tawo ngani na iboto an APEC sa maabot na 2022 Special Membership General Assemby sa Setyembre 3, 2022.
Sa intrevista kan Bombo Radyo Legazpi ki APEC spokesperson Patria Gutierrez, base sa naresibeng impormasyon nananao suboot nin P500 an opisina sa mga pig-recruit na indibidwal ngani na iboto an APEC sa SGMA.
Tinawang duon kaini na imposibleng mangyari an nasabing alegasyon lalo pang bagsak an financial status kan opisina asin dae kayang magastos nin siring na kantidad.
Nagtutubod si Gutierrez na mga konsumidores asin mga may dagit sa APEC an nasa likod kan nagpapalakop kan nasabing salang impormasyon.
Mawot sana suboot na raoton an reputasyon kan electric cooperative sa publiko.
Segun sa opisyal, rerespituhon kan APEC kun ano an magigin desisyon kan majority kan mga miyembro kan SGMA.
