Ipigbubusol ni Senator Raffy Tulfo an pagsasagibo nin inquiry sa pirmihang naeeksperyensyahang power outages asin halangkaw na singil sa kuryente sa nagkapirang parte kan nacion.
Katakod kaini, ipigsangat ni Tulfo an sarong resolution na nagsusugo sa Senate Committee on energy na pinamamayuhan mismo kan senador ngani na magsagibo nin inquiry in aid of legislation dapit sa nasabing isyu.
Naglalaom an senador na masolusyunan an haloy ng problema oras na magpaotob na nin hearing.
Segun sa senador, ipapaapod an mga dating opisyal kan Department of Energy, electric companies, asin iba pang concerned agencies sa isasagibong hearing ngani na magheras nin impormasyon kun nata dae natawan nin solusyon an problema.
Afuera pa sa government agencies asin kompanya, sinabi kan senador na dapat tinabangan kan mga LGU an saindang constituents sa pagpapaabot kan nasabing problema sa mga concerned authorities.
