LEGAZPI CITY — Ibinuyagyag kan Regional Special Operations Task Group Masbate na matindi an political rivalry sa duwang banwaan sa provincia kan Masbate huli sa nakatugdok na minahan sa lugar.
Segun ki RSOTG Masbate public information officer Pol. Supt. Frande Echaluce, an mga banwaan kan Aroroy asin San Fernando an pig-aagawan kan mga pulitiko huli sa suboot pigbabayad na na buwis kan mining companies.
Apwera digdi, maging an mga pulitiko na planong maglansar sa 2019 elections an nakikiaaram naman.
Segun ki Echaluce, malinaw na pagbalgar sa ley an piggigibo kan opisyal na nagbibilog na nin pundasyon sa kada barangay ngani makakua na ki suporta para sa masunod na pirilian.
Inirekomenda man kaini sa Commission on Election (Comelec) na magkondusir nin inspeksyon ngani mahiling an mga darakulang tawong nagsusuporta sa mga kandidato sa barangay elections asin masangatan an mga ini nin magkakanigong kaso.
