LEGAZPI CITY — Nagpapadagos man giraray ngonian an pagtataong asistensya kan Task Force Sagip Mayon sa mga natatada pang evacuees sa probinsya kan Albay.
Sa intrevista kan Bombo Radyo Legazpi ki Lt. Col. Patrick Cinco, battalion commander kan CMO Battalion kan 9th Infantry Division, Philippine Army, pighayag kaini na dae mapundo an saindang pagtataong tabang sa mga apektadong reidentes hasta sa makabalik na sa normal an buhay kan mga ini.
Segun sa opisyal, nagtetenir na naka alerto an mga kasuldaduhan maski pa ibinaba na sa alert level 3 status an nasambitan na bulkan.
Napag-araman man na nagbawas na nin personahes an task force makalihis an ipinaotob na decampment alagad siniertong nagtetenir na naka-stand by an mga ini.
Mientrastanto, hagad man ngunyan ni Cinco na magpadagos na an pagkalma kan Mayon asin maibaba na liwat an alerto kaini ngani na dae na magsakripisyo an mga evacuees sa saindang mga evacuation centers.
