LEGAZPI CITY — (UPDATE) Pinahimutikan kan Presidential Task Force on Media Security (PTFoMS) an pagluwas kan mga impormasyon na madali ng suboot na mabasura an kaso sa pagkagadan kan mediaman asin Catanduanes columnist na si Larry Que.
Sa ekslusibong intrevista kan Bombo Radyo Legazpi kay PTFoMS Executive Director asin Usec. Joel Sy-Egco, dae suboot ini pwedesir na mangyari lalo na ta dakol pa na affidavit an kaipohang irebisa bago makapagluwas nin draft resolution sa kaso ni Que.
Tinawang duon ni Egco na dae man masasabing maluya an kaso huli sa sarong tawo sana an naghayag kan affidavit na siring kan nagluluwas na bareta, na inapod kaining ‘fake news.’
Ipigbuyagyag pa kan opisyal na posibleng may mawot na magmaniobra sa nasabing kaso alagad dae suboot dapat na mawaran nin paglaom paryentes asin amigo ni Que.
Magigirumduman na si Que an inot na mediaman na nagadan sa irarom kan pamamayo ni Presidente Rodrigo Duterte na bistong komentrista kan nagkapirang mga lokal na opisyal sa Catanduanes.
