LEGAZPI CITY — Nagpatanid ngonian an Malinao Municipal Police Station sa mga eskwelahan sa banwaan siring man sa iba pang pagtaraid na lugar sa Albay makalihis an panibagong modus sa panloloko na target suboot an mga paratukdo.
Sa intrevista kan Bombo Radyo Legazpi ki PC/Insp. Arthur Gomez, hepe kan Malinao MPS, tolong eskwelahan na suboot an nagdulok sa hepatura tangarig na ipaabot an impormasyon dapit sa sarong lalaki na naglilibot tangarig na engganyaron an mga ini na magbakal kan ipig-oofrecir na libro.
En kaso man na dae magbakal kan libro, saka na ibubukas kan suspek an orolay sa printer na nagkakantidad sana suboot nin P7,500 alagad kaipuhan na mag-down nin 50%.
Dugang pa ni Gomez na nakabiktima na an suspek na pigpensar na lehitimong sales agent kan sarong publishing company kan mga maestra alagad dae naman makontak kan mga ini sa ngonian.
Napag-araman na tolo hasta apat na aldaw pa sana an nakakaagi makalihis ining mangyari kun kaya intensibo ngonian an paglilibot kan opisyal sa pag-impormar sa publiko sa nasabing tawo siring man an pagpapalakop kan pandok kaini tangarig na dae na makabiktima pa.
