LEGAZPI CITY- Apelar kan Bureau of Fire Protection (BFP) Regional Office 5 an pakikisumaro kan lambang-saro tangarig na maibitaran an anumang insidente kan kasulo bako sana sa bulan kan Marso na ipigkokonsiderar bilang Fire Prevention Month kundi sa bilog na taon.
Sa intrevista kan Bombo Radyo Legazpi ki BFP Bicol spokesperson SFO4 Aramis Balde, kaipuhan sana suboot na i-practice an mga security and safety measures kan mga kahimanwa asin ipadagos an nairehistrong pagbaba nin 14% sa mga nairehistrong fire incidents kan nakalihis na taon.
Dugang pa ni Balde na dapat man na magin informed an mga tawo sa mga pigagamit na terminolohiya kan mga bumbero urog na kun may kasulo tangarig na maibitaran an mas dakulang problema na kakabit kaini.
Ipigheras man ni FS/Supt. Victor Vibares, BFP Bicol Director na padagos pa an ipigsasagibong modernization sa dakol na fire stations sa rehiyon mientras na dakol pang ipapa-construir na
Dagos-dagos man suboot an procurement kan mga bagong fire trucks hale pa sa central office.
Mientras tanto, pormal naman na binuksan ngonian na aldaw an pag-obserbar sa Fire Prevention Month sa temang “Ligtas na Pilipinas ang ating Hangad, Pag-iingat sa Sunog sa Sarili Ipatupad” sa paagi kan sarong motorcade asin kick-off program sa Peñaranda Park.
Pagbubukas kan Fire Prevention Month, sinabat nin kasulo sa Legazpi City
