LEGAZPI CITY- Nanindogan an kampo ni Vice President Leni Robredo na kaipuhan pang madiskutir marhay pagdiskutir kan mga eksperto sa magigin desisyon asin isasagibong pagbabago sa presenteng laog kan Konstitusyon.
Ini an katakod kan ipigbubusol na propuesto kan binilog na Consultative Committee (Con-Com) sa irarom ni Presidente Rodrigo Duterte na pagbabago kan nagkapirang parte kan Konstitusyon tangarig na mailipat an presenteng unitary-presidential system of government pasiring sa federal-presidential form.
Sa intrevista kan Bombo Radyo Legazpi ki Georgina Hernandez, tagapagtaram ni Vice President Robredo, tinawang-duon kaini na panalmingan kan Konstitusyon an unique foundation kan demokrasya mantang nagtutubod man suboot an bise na anumang magiging pagbabago an dapat na nakabase sa ‘tingog kan mga kahimanwa’.
Katakod kaini, hirit kan kampo na warang magin paghihidale o railroad sa prosesong isasagibo kan mga nasa posisyon.
Mientras tanto sa irarom kan nasabing sistema, magsisirbe pa man bilang head of state asin head of government an presidente kun saen mantenido an presenteng set-up kan national government kasabay an tolong sanga na executive, legislative asin judiciary.
Diit na pagbabago an pagkakaigwa kan nacion nin mga individual states na may sadiring federal legislature asin state governments imbes na nasa national government sana an centralized power.
