LEGAZPI CITY — (Update) Direktang itinao kan Metropolitan Manila Development Authority (MMDA)sa kada local government unit (LGUs) na apektado kan aktibidad kan Bulkang Mayon an relief goods kun kaya dae suboot ini na-check kan Albay Provincial Social Welfare and Development Office (PSWDO) kun may diperensya o dae.
Katakod ini kan naireport na may mga bukbok o ulod an naresibeng bagas kan evacuees hale sa Barangay Bical asin Barangay Salvacion sa banwaan kan Sto. Domingo.
Segun ki PSWDO chief Eva Grageda, binaranga na sa tulogn army trucks an relief goods kaya dae na ninda ini nabuksan kun kaya dae man nahiling an klase kan bagas na naresibe kan evacuees.
Solamenteng an mga nareresibe kan opisina sana suboot an saindang namo-monitor antes na itao o i-distribuir sa evacuees.
Segun pa ki Grageda, en kasong magkaigwa nin siring na sitwasyon, iturn over sana ini sa tamang opisina kan LGU asin dae na paggamiton pa.
Dae man suboot pigtuyo kan donor an siring na pangyayari asin magpasalamat sa tabang na itinao sa Albay.
