LEGAZPI CITY- Arestado an sarong senior citizen asin duwang iba pa sa Albay huli sa iligal na pagsusugal.
Binisto an mga ining sinda Armando Ajero, 60 anyos; Nelson Romuald, 57-anyos asin Jones Namia, 40-anyos na anas residente kan Camalig sa nasabing probinsya.
Napag-araman na naaktohan kan Camalig Municipal Police an tolong suspetsado mantang nagkakawat nin illegal card game na bisto sa apod na “Tong-its”.
Nakumpiskar hale sa tolo an sarong set nin playing cards asin bet money na nagkakantidad nin nasa P131.25.
Sa ngonian, nasa hepatura kan pulis na an mga naarestar na suspek para sa magkakanigong disposisyon.
