LEGAZPI CITY- Overwhelmed man giraray an 13-anyos Pinay singer na si Shaniah Rollo sa padagos na nareresibeng pag-omaw huli sa ipinahiling na magayon na performance sa naging audition sa Ireland’s Got Talent.
Katakod kaini, pigsalaysay ni Joy Rollo, ina ni Shaniah sa Bombo Radyo Legazpi na dakol nang nagbago sa buhay kan daragita puon kan mismong audition kaini sa nasambitan na talent competition sa paagi kan pagkanta.
Maski suboot bako Irish si Shaniah, dakol man giraray an nagpapaabot nin pag-omaw digdi.
Sa presente, full support man an bilog na pamilya Rollo asin mga kahimanwa kaining Albayano sa talent ni Shaniah mientras na pighahalat pa an resulta kan deliberasyon para sa masunod na round kan kompetisyon.
Mientrastanto, pige-enjoy muna ngunyan kan daragita an mga pangyayari alagad dae man giraray nahahali an nerbiyos urog pang kakaibang talento man an ipinahiling kan mga posibleng makakalaban.
