LEGAZPI CITY- Maigot an ipigpapautob na pagbabantay kan Albay Police Provincial Office sa mga residenteng nagpupumirit na makalaog sa 6-km radius Permanent Danger Zone (PDZ).
Sa intrevista kan Bombo Radyo Legazpi ki Albay PPO spokesperson PC/Insp. Arthur Gomez, in-establish na suboot an mga chokepoints sa mga affected areas tangarig na dae makalusot an nagkapirang mabalong maglaog sa danger zones.
Pagtataong-duon pa ni Gomez na magsunod na sana sa pagirudom kan kapulisan urog na nag-ootob sana man sinda sa direktiba kan Provincial Disaster Risk Reduction and Management Council (PDRRMC).
Mientras tanto, nagkapira sa mga ini an pigtutugutan pa na makalaog sa 8km-Extended Danger Zone siring man sa 7-km Extended Danger Zone tangarig na mangua nin mga gulayon alagad kinakaipuhan na may go signal hale sa Municipal DRRM officer kan nakakasakop na banwaan.
Segun pa ki Gomez dawa pa pinanghihinayangan an mga pananom na maapektaran kan aktibidad kan Mayon, mas importante pa man suboot an seguridad kan mga ini kaya’t mas marhay na halaton na sana an release kan mga standby goods.
