LEGAZPI CITY — Gadan an sarong bistong robbery/hold-up leader makalihis na makipagribayan nin purok sa mga otoridad sa Sitio Baribag, Brgy. Bibincahan, syudad kan Sorsogon.
Nabisto an suspek na si Rommel Deniega Sium, 42-anyos asin residente kan San Lorenzo,Bibincahan sa nasambitan na syudad.
Enot kaini, nagresponde an mga tauhan kan Regional Intelligence Unit 5, Regional Special Operations Group, Police Intelligence Branch asin Sorsogon City Police Station sa lugar makalihis na makaresibe nin report hali sa sarong concerned citizen na igwang bitbit na dae pa maaraman kalibre nin na badil an nasambitan na suspek.
Makalihis na maberipika an impormasyon, nagdulag an suspek lunad kan saiyang tricycle asin pinaputukan an mga nagrespondeng otoridad.
Huli digdi, nauli sa ribayan nin purok an insidente kun sain tinamaan si Sium na nagresulta sa saiyang tulos na kagadanan.
