LEGAZPI CITY — Nagmumundo an Simbahang Katolika sa pagkagadan kan saro sa ipigkokonsiderar na importanteng pillar kan simbahan sa Pilipinas na si Cebu Archbishop Emeritus Ricardo Cardinal Vidal.
Sa ekslusibong intrevista kan Bombo Radyo Legazpi ki Bishop Joel Baylon kan Arhdiocese of Legazpi, sinabi kaini na namundo sinda sa naresibeng impormasyon kun sain dakulang parte suboot si Cardinal Vidal kan historya kan simbahan asin sarong respetadong miembro asin opisyal.
Alagad sa ibong kan pagkawara ni Cardinal Vidal, dae man suboot ini magkakaigwa nin negatibong epekto sa istruktura kan simbahan huli sa retirado na ini kun kaya dae man matatanyog an simbahan.
Iniladawan man ni Bishop Baylon an cardinal bilang napakasimple asin approachable na persona maski na nasa halangkaw na posisyon.
May maray na sense of humor man si Cardinal Vidal asin mamamatean an paternal care and concerns kaini sa mga namamanwa.
Nakatalaan man na magpasiring sa Cebu si Bishop Baylon sa pag-atendir sa lamay en kaso na dae maka-atendir sa lubong kan arsobispo.
