LEGAZPI CITY – Inapod kan sarong propesor na sarong ‘political move’ an pagtatao nin P1,000 na pondo sa Commission on Human Rights.
Segun ki Prof. Alex de Guzman, dae dapat na gibuhon na basehan an performance asin accomplishments kan ahenya siring kan pigdadahilan kan gobyerno huli ta kadakol na mga ahensya an igwang dakulang pondo alagad dae man naaabot an saindang target.
Dugang pa kaini na sarong aspeto sana kan CHR an pighihiling kun sain ipigbabasol digdi an dae pagkakaigwa nin imbestigasyon asin pigpipili sana an pag-aadalan na kaso nin pagbalgar sa diretsos humanos.
Pigduon ni de Guzman an mga investigative issues an bako na trabaho kan ahensya huli ta an PNP na an may kapot digdi.
Huli ta dae suboot pwedesir na i-abolish an ahensya asin dae pwedesir na amiyendaran an konstitusyon, mas pigpipili na sana na gipiton an CHR sa paagi kan dae pagtatao nin pond ngani na mapundo na man an pagbatikos sa gobyerno.
